बुटीबोरी, वार्ताहर, रामटेक लोकसभा क्षेत्राचे खासदार श्यामकुमार बर्वे तसेच राज्याचे माजी मंत्री सुनील केदार यांच्या संकल्पनेतून स्थानिक एसआर कराटे क्लब बुटीबोरी यांच्या वतीने नवयुवकांना आणि मुलींना संरक्षणाचा कानमंत्र देणारा भव्य असा सोहळा बुटीबोरी येथे नुकताच पार पडला.
या प्रसंगी जिल्हा परिषद सदस्या तथा माजी अध्यक्षा रश्मी बर्वे यांच्या उपस्थितीत सोहळ्याचे उद्घाटन करण्यात आले. यावेळी खासदार बर्वे यांनी आजच्या पिढीला आत्मरक्षणाचे महत्त्व पटवून देत मार्गदर्शन केले. या सोहळ्याचे आयोजक एसआर कराटे क्लब यांचे विशेष अभिनंदनदेखील त्यांनी केले. सोहळ्याच्या यशस्वितेकरिता क्लबच्या कार्यकर्त्यांनी अथक परिश्रम घेतले.
