नागपूर: शिवसेना (उद्धव बाळासाहेब ठाकरे) पक्षाने संघटनात्मक बांधणीत महत्त्वाचा बदल करत श्री. तुषार डेरकर यांची हिंगणा विधानसभा प्रमुखपदी नियुक्ती केली आहे. यापूर्वी ते नागपूर तालुका प्रमुख म्हणून पक्षाची जबाबदारी सांभाळत होते.
श्री. डेरकर यांनी नागपूर तालुका प्रमुख म्हणून केलेल्या कामाची दखल घेत पक्षाने आता त्यांच्यावर हिंगणा विधानसभा मतदारसंघाची महत्त्वाची जबाबदारी सोपवली आहे. त्यांच्या नेतृत्वाखाली नागपूर तालुक्यात पक्षाने चांगली कामगिरी केली होती. आता हिंगणा विधानसभा क्षेत्रात पक्ष संघटना मजबूत करण्यासाठी आणि पक्षाचा विस्तार करण्यासाठी ते काम करतील अशी अपेक्षा व्यक्त केली जात आहे.
या नियुक्तीमुळे हिंगणा विधानसभा मतदारसंघातील शिवसेना (उद्धव बाळासाहेब ठाकरे) पक्षाच्या कार्यकर्त्यांमध्ये नवचैतन्य निर्माण झाले आहे. आगामी काळात श्री. डेरकर यांच्या नेतृत्वाखाली पक्ष हिंगणा विधानसभेत अधिक सक्रियपणे काम करेल, असा विश्वास व्यक्त केला जात आहे.
