विधानसभा निवडणुकीच्या अनुषंगाने बुटीबोरीपोलीस स्टेशनच्या वतीने २३ ऑक्टोबर रोजी सायंकाळी ४ वाजता (भा.पो.से.) नागपूर विभाग नागपूरचे उपविभागीय पोलीस अधिकारी दीपक अग्रवाल यांच्या मार्गदर्शनाखाली पोलीस स्टेशन चौक बुटीबोरी ते शिवाजी चौक, मुख्य मार्केट दुर्गामंदिर, लुंबिनी विहार, आरएसजी टाउन मैदान, सातगाव मुक्ताई हॉस्पिटल ते।
टल ते जिल्हा परिषद शाळा, गौरकर किराणा ते ज्ञानदीप शाळा चौकापर्यंत रूट मार्च काढण्यात आला. या रूट मार्चमध्ये पोलीस स्टेशन बुटीबोरीचे ३ अधिकारी, १४ अंमलदार व सशस्त्र सीमाबलाचे पथक सहभागी झाले होते. रूट मार्चदरम्यान आरएसजी टाउन मैदान बुटीबोरी व सातगाव ज्ञानदीप शाळा चौकातील नागरिकांना सशस्त्र सीमाबलाचे अधिकारी व कर्मचाऱ्यांनी आगामी विधानसभा निवडणुकीत भीती न बाळगता मतदान करण्याचे आवाहन केले.
