बुटीबोरी: सोनेगाव (बोरी) ग्रा. पं. मध्ये आमदार समीर मेघे समर्थित | गटाचे सरपंचपदाचे उमेदवार उमेश भोले हे भरघोष मतांनी विजयी झाले. निवडणुकीत सरपंच पदाकरिता भाजप, राष्ट्रवादी काँगेस व अपक्ष असे तीन उमेदवार रिंगणात होते.
त्यात भाजपचे विजयी उमेदवार उमेश भोले यांना ३८७, राष्ट्रवादीचे अनुप नागपुरे यांना १७६ तर अपक्ष उमेदवार श्रीकांत ढोके यांना १२९ मते मिळाले. त्यात उमेश भोले यांनी २११ मतांनी दणदणीत विजय संपादन केला.
विजयामुळे बुटीबोरी भाजप जिल्हा उपाध्यक्ष आकाश वानखेडे, महामंत्री अनिल ठाकरे, किशोर मिलमिले व बुटीबोरी नगरपरिषदेचे पाणी पुरवठा व मलनिस्सारण सभापती मंदार वानखेडे यांनी गुलाल उधळून विजयोत्सव साजरा केला.
